Нарындын даамдуу пельмени бишкектик кардарлардын колдоосуна муктаж

Нарындын даамдуу пельмени бишкектик кардарлардын колдоосуна муктаж

Ат-Башылык үй-бүлө төрт жылдан бери чүчпара жасап сатышат. Колго түйүлүп, жаңы союлган таза малдын этинен жасалган алардын азыгы, чоң аппараттарда жасалган чүчпарадан даамдуу келет. Бирок учурда өндүрүштү кеңейтүү үчүн нарындык чүчпара Бишкектин дүкөндөрүнө чыгууга муктаж, анткени калк көп жерде, суроо-талап да көп.

Кыргызстандын аймактарындагы чакан ишкерлер тууралуу жазып, аларды колдоп келген Economist.kg бул жолу Ат-Башыдагы чүчпара түйгөн Чолпон Мусаеванын ишмердигине кызыкты.

Жолдошунун сунушу менен баштаган Мусаева учурда жеке ишкер катары катталып, иш баштаганын айтат.

«Үй кожойкеси элем, бир күнү жолдошум «чүчпара жасап, оокат кылалы» деп калды. Ал интернеттен казакстандык эки кыздын чүчпара жасап, ийгиликтүү бизнес кылып кеткен ишмердигин көргөн экен. Негизи өзүбүз базарга чыгып, мал алып сатып иштечү элек. Кийин бир тоңдургуч алып, эки аялды жумушка чакырып, иш баштап калдым. Учурда 5 адам иштейт», — дейт ал.

Продукциясын Ат-Башынын эле дүкөндөрүнө өткөргөн Мусаева ал жерде калктын саны аз болгондуктан, суроо талап да белгилүү эле бир өлчөмдө экенин айтат.

«Күнүгө беш кг эттен чыгарабыз. Башында баарын колго жасачубуз, камырды колго жууруп, этти колго кесчүбүз. Кийин кичине эт майдалагыч, камыр жууругуч аппарат алып, ишибизди бираз жеңилдеттик, бирок бул да кичинелик кылып жатат. Дагы бир морозильник коштук, ошентип кичинеден өнүгүп келе жатабыз.

Бир күндө 30-40 кг түйөбүз. 3-4 күн катар иштеп, эгер дүкөндөрдө бар болсо, анда күтүп турабыз. Өтүшүнө жараша иштейбиз», — деген ал колунда иштеген аялдарга күнүнө 300 сомдон төлөп берип жатканын айтат.

«450 граммдык бир пакеттен 10 сомдон пайда түшөт, бир пакетин 130 сомдон өткөрөбүз. Жумушту баштаганда 6% менен чүчпара чыгарууга деп кредит алгам, аны да төлөйм. Ат-Башыдан чыга албай жатабыз, канча түйсөк деле, Ат-Башыда белгилүү эле санда калк бар да, ошондуктан калктын саны көп жака чыгарыш керек экен», — дейт ишкер айым.

Ошондой эле учурда Ат-Башыдан Бишкекке таксидеги 1 кишинин орду 700 сом экен.

«Бишкекке кээде тааныштарыбызга таксиден пенопластка салып туруп жөнөтөбүз. Жеп көргөндөр кайра чалышып, «Фрунзе», «Глобус» сыяктуу ири түйүндөргө бергиле, алып туралы деп жатышат», — деген Чолпон Мусаеванын жолдошу жакынкы 2-3 ай Бишкекке жөнөтүп турарын, эгер бишкектик кардарларга жагып, суроо талап көбөйсө, анда анын артынан өндүрүштү да чоңойторун белгилейт.

«Эгер жылыш болбосо, анда Ат-Башынын элине эле жасай беребиз. Бишкектен суроо-талап болсо, көбүрөөк чыгарып баштамакпыз. Ат-башыда 6 ай суук, көмүр 5 миң сом. Тиричилик жасаш керек», — дейт ал.

Социалдык тармактардан бөлүшүү

АКЫРКЫ ЖАҢЫЛЫКТАР
Улуттук энергохолдинг быйыл жоюлат — Энергетика министри 24 января 2023 г.    17:59
Казакстандыктарга Европага визасыз кирүү каралууда — бийлиги сүйлөшүүлөрдү жүргүзүп жатат 24 января 2023 г.    17:23
Ысык-Көлдө 13 айыл пилоттук режимде беш ирилештирилген айыл аймагына киргизилет 24 января 2023 г.    17:05
Эмгек министрлиги Москвадагы кыргызстандык жаранга 1.6 млн рубль айлык маянасын алууга жардамдашты 24 января 2023 г.    16:25
Швейцария КРга климаттын өзгөрүүсүнө туруктуулукту жогорулатуу үчүн 9 млн доллар каражат берет 24 января 2023 г.    15:44
Салык кызматы быйыл 248 млрд сом чогултууну пландап жатат 24 января 2023 г.    14:58
Ушул күндөрдө «Манас» аэропортунан кайсы шаар, өлкөлөргө учуп кетсе болот? — тизмеси 24 января 2023 г.    13:40
Венгрияга жүргүнчүлөрдү жана жүктөрдү ташуу боюнча макулдашуу ратификацияланды 24 января 2023 г.    13:22
БАРДЫК ЖАҢЫЛЫКТАР
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40
Валюта Конвертери