Министрлер кабинетинин төрагасы Акылбек Жапаров, жана анын орун басары Бакыт Төрөбаев Бишкек штамптоочу заводуна (БШЗ), ошондой эле «Кыргызиндустрия» ААКнун объектилерине барышты. Бул тууралуу минкаб билдирди.
«Бул биздин келечектеги ири салык төлөөчүбүз, биз аларга максималдуу колдоо көрсөтүшүбүз керек. Мүлктү инвентаризациялоо, ашыкчаларын металл сыныктарына кошуу, карыздык милдеттенмелерди жана Социалдык фонд боюнча маселелерди чечүү керек. Негизги максат ири технопарк түзүү», — деген Жапаров.
МинКаб Төрагасы ошондой эле заводдо чыгарыла турган продукция биринчи кезекте «республиканын муктаждыктарын жабууга, андан кийин гана башка өлкөлөргө экспорттолууга тийиш» экендигин белгиледи.
