Балыкчы-Тамчы-Чолпон-Ата-Корумду унаа жолунун 10-23-чакырым аралыгындагы жолдун бир тарабы 1-июнга чейин бүткөрүлөт. Бул тууралуу Транспорт жана коммуникациялар министрлиги билдирди.
Учурда Балыкчы-Тамчы-Чолпон-Ата-Корумду унаа жолунун 10-23-чакырым аралыгында (Сары-Камыш айылынан Тору-Айгырга чейинки аралыгы) жол куруу иштери кызуу жүрүп жатат. Жерине 103 атайын техника жана 175 адам тартылып, жолдун бир тарабын 1-июнга чейин бүткөрүү аракети көрүлүүдө.
