Дубайдагы ATM 2023 көргөзмөсүндө КРнын туристтик потенциалы боюнча презентация көрсөтүлүп, ага 110дон ашык коноктор катышты. Бул тууралуу Туризмди өнүктүрүүнү колдоо фонду билдирди.
Маалыматка ылайык, фонддун вице-президенти Кайрат Итибаев КРнын туризм тармагындагы мүмкүнчүлүктөрүнө токтолуп, потенциалдуу өнөктөштөргө инвестициялык долбоорлорду сунуштады.
Кыргызстандын улуттук павильону өз ишин улантууда. Көргөзмөгө катышкан ата-мекендик туроператорлорго жаңы кардарларды жана өнөктөштөрдү табууга жана КР туристтердин агымын көбөйтүүгө мүмкүнчүлүк берилет.
