Токтогул ГЭСин реабилитациялоо долбоорунун алкагында экинчи гидроагрегатты реконструкциялоо иштери башталды. Бул тууралуу «Электр станциялары» ААК басма сөз кызматы билдирди.
Бул долбоордун башкы подрядчысы GE Hydro France & GE Renewable Switzerland экени белгиленген. Учурда подрядчы демонтаждоо иштерин баштады.
Реконструкциялоонун натыйжасында гидроагрегат Токтогул ГЭСинин кубаттуулугун 60 МВт жогорулатат. Реконструкциялоо 2023-жылдын аягына чейин жүргүзүлөт.
