Кыргызстандыктар 2022-жылы онлайн оюндарга 32.9 млн сомдон ашык коротушкан. Жалпысынан 76.4 миң төлөм өткөрүлгөн. Маалыматтар Улуттук банктын отчетунда келтирилген.
Андан сырткары, көзөмөлдөөчү органдын айтымында, кыргызстандыктар башка интернет-тиркемелерде төлөмдөрдү активдүү жүргүзүүдө. Ошентип, 2022-жылдын жыйынтыгы боюнча толуктоонун жалпы суммасы дээрлик 207.4 млн сомду түздү.
Интернет-тиркемелердеги төлөмдөр Кыргызстанда 2022-жылдын биринчи жарымында гана популярдуу болгон. Алсак, биринчи кварталда төлөмдөрдүн көлөмү 108.7 млн сомду, экинчи кварталда 93.3 млн сомду түздү.
