Кыргызстандын жана Кувейттин өкмөттөрү биргелешкен комиссияны өткөрүүдө. Бул тууралуу Финансы министрлиги билдирди.
Маалыматка ылайык, финансы министри Алмаз Бакетаев КР атынан экономикалык жана техникалык кызматташтык боюнча кыргыз-кувейт өкмөттөр аралык биргелешкен комиссиясынын 3-жыйынына катышуууда.
Иш-чарада экономика, соода жана инвестициялык кызматташуу, халал индустриясын стандартташтыруу, ошондой эле туризм тармагындагы эки тараптуу кызматташуу маселеси талкууланат.
