Ош облусунда Ош-Баткен-Раззаков унаа жолунун капиталдык оңдоо иштери башталдды. Бул тууралуу Транспорт министрлиги билдирди.
Маалыматка ылайык, иштер республикалык бюджеттин эсебинен өткөрүлөт. Тактап айтканда, «Кыргызавтожол» МИнин №37 ДЭП күчтөрү учурдагы жолдун 33-чакырымынан 34-чакырымына чейин иштерди баштаган.
Ошол эле учурда «Ош-Баткен-Исфана автожолунун 28-чакырымынан 75-чакырымына чейинки бөлүгүн реабилитациялоо» компоненти боюнча эл аралык консультант тарабынан сунушталган долбоорду ишке ашыруунун графиги сакталса, анда эл аралык жолдорду жакшыртуу долбоорунун алкагында подрядчы менен келишим 2023-жылдын 4-кварталында гана түзүлүшү мүмкүн.
