Германиялык Claas компаниясы өзүнүн тракторлорун жана айыл чарба техникаларын Кыргызстандын дыйкандарына лизингге берүүгө даяр. Бул маалымат 2023-жылдын 2-мартында Германиядагы КР элчиси Өмүрбек Текебаев Харзевинкель шаарындагы Claas компаниясын директору доктор Нилс Ройч менен жолугушууда белгилуу болду.
ТИМдин маалыматына ылайык, жолугушуунун максаты Кыргызстандын айыл чарба ишканалары үчүн колдонулган, баасы жаңы техникаларга караганда дээрлик 50%га арзан болгон Claas үлгүсүндөгү тракторлорду жана айыл чарба техникаларын лизинг шарттары менен жеткирүү боюнча кызматташууну түзүү болду.
Дыйкандар жогорку сапаттагы техниканы салыштырмалуу арзан баада алуу мүмкүнчүлүгүнө ээ болушат. Учурда Claas расмий импортер аркылуу Кыргызстанга жаңы жабдууларды алып келүүдө.
