Санариптик өнүктүрүү министрлиги 2023-жылдын аягына чейин туулгандыгы тууралуу күбөлүк, нике күбөлүгү, жогорку окуу жайды бүткөндүгү жөнүндөгү дипломду электрондук түргө өткөрүүнү пландаштырып жатат. Бул тууралуу минкабдын маалымат кызматы билдирди.
Ошондой эле, министрликтин негизги иштеринини бири иштелип жаткан Санариптик кодексти аягына чыгаруу жана архивдик документтерди санариптештирүүнү каралган.
Ошондой эле минкабдын төрагасы Акылбек Жапаров министрликтин жаңы Калкты тейлөө борборлорун куруунун жана ачуунун үстүндө иштеп жатканы жакшы экенин, бирок ар бир жаран колдонгон уюлдук телефон аркылуу кызматтарды алууну күчөтүп жарандардын тейлөө борборлоруна барууларын азайтуу зарылдыгын кошумчалады.
