«Мамлекеттик ипотекалык компания» ААК банктар аркылуу насыя берүүнү токтотот. Бул тууралуу Economist.kg басылмасына МИК төрагасынын орун басары Амантур Омуров билдирди.
Анын айтымында, МИК банктар аркылуу ипотеканы берүү жараянын токтотуп каржы мекемелерге кардарларды жибербей калган. Бирок ага чейин кезеке турган жарандар насыя алганга мүмкүнчүлүгү бар.
«Азыркы учурда ресурстардын баары үй салууну каржылоого жиберилип жатат. Бул жааттагы иштер башталган. Бул чечимди кабыл алууга 2022-жылдагы окуялардын кесепетинен турак-жайдын жана доллардын рыноктук наркынын өсүшү түрткү болду», — деди Омуров.
