Президент Садыр Жапаров Билим берүү жана илим министринин милдетин аткаруучусу Каныбек Иманалиевге мектептердеги ата-энелерден мектептердин муктаждыгы үчүн акча чогултууну токтотууну тапшырды. Бул тууралуу президенттин басма сөз катчысы Эрбол Султанбаев билдирди.
Президенттин айтымында, министр ата-энелерден мектепти оңдоп-түзөөгө жана класстарга керектүү буюмдарды: бор, чака жана башка нерселерди сатып алууга акча чогултпоонун алдын алуу боюнча иш алып барышы керек.
Бул максаттарга республикалык бюджеттен каражат бөлүнөт.
