2023-жылдын январында Улуттук банктын кирешеси өткөн жылдын январь айына салыштырмалуу (3.1 млрд сом) эки эседен ашык азайып, 1.3 млрд сомду түздү. Маалыматтар регулятордун сайтында жарыяланды.
Улуттук банктын активдери 397.6 млрд сомду түздү (2022-жылдын январына карата дээрлик 100 млрд сомго өскөн). Милдеттенмелер 334.6 млрд сом (+97.2 млрд) деңгээлинде ал эми капиталы болсо 63 млрд сомду түздү.
Эске салсак, өткөн жылдын аягында Улуттук банктын кирешеси 9.5 млрд сомду түзүп, 2021-жылдын ушул мезгилине салыштырмалуу 244 млн сомго (+2.7%) көп болгон.
