Кыргызстандын Жогорку технологиялар паркы (ЖТП) былтыр 4.2 млрд сом киреше алса, анын 92% экспорттун эсебинен камсыздалган. Бул тууралуу аталган парктын директору Чубак Темиров отчеттук маалыматында билдирди.
«2022-жылдын жыйынтыгы боюнча биз 4.2 млрд сомдон ашык киреше алдык, бул мурдагы 2021-жылга салыштырмалуу дээрлик 100%га көп. Анда ишканалар 2.1 млрд сомдон ашык киреше алышкан. Максатыбызга толук жеттик. Эми 2023-жылга карата жаңы максатыбыз – бул көрсөткүчтү 8 миллиардга жеткирүү. Биз ийгиликке жетебиз деп ишенебиз», — деди ЖТПнын директору.
Өткөн жылы 185 компания иш алып барган, ал эми учурда ЖТПнын курамында 260тан ашык IT-компания иштейт.
