Ош шаардык прокуратурасы Ошто мамлекеттик мүлктөрдү мыйзамсыз ижарага берилгендигин аныктады. Бул тууралуу аталган мекеменин маалымат кызматы билдирди.
Текшерүүдө Мамлекеттик мүлктү башкаруу боюнча фондунун Ош, Баткен облусттары жана Ош шаары боюнча өкүлчүлүгүнүн кызмат адамдары жана «Кыргызкөмүр» МИнин Ош шаарындагы бөлүмүнүн кызмат адамдары аталган мекемеге караштуу мамлекеттик имаратты аукциондон өткөрүүдөн качып, мамлекетке түшө турган пайданы атайын азайтышкан.
Натыйжада, жеке жактардын атынан жасалма келишимдерди түзүп, өздөрүнө пайда табуу максатында «А.Т.» жеке мектебине, жеке жана юридикалык жактарга ижарага беришип, мамлекетке 1 млн 964 миң сомдук ири өлчөмдө зыян келтиришкен.
