Өлкөнүн финансы боюнча санариптик түгөйүн иштеп чыгуу тапшырмасы берилди. Бул тууралуу минкабдын маалымат кызматы билдирди.
Маалыматка ылайык ИДП өсүү темпи 919.4 млрд сомду түзүп, 1 трлн сомго жакындап, өсүү 107%ды түздү. Бул көрсөткүчтөр макроэкономикалык туруктуулукту сактоого гана эмес, алдыга жылууга да шарт түзөт.
Министрлер кабинетинин башчысы Акылбек Жапаров биргелешкен күч-аракеттердин натыйжасында финансылык резерв алынганын жана бул көптөгөн чечимдердин, анын ичинде 117 млрд сом өлчөмүндө рекорддук каражат бөлүнгөн антикризистик чаралардын аркасында мүмкүн болгонун белгиледи.
Акылбек Жапаров мамлекеттик сатып алуулар системасына өзгөчө басым жасады, Министрлер Кабинетинин башчысынын айтымында, аны кайра карап чыгуу жана өркүндөтүү зарыл.
