Кечээ, 8-февралда Экономика жана коммерция министри Данияр Амангелдиев Европа реконструкциялоо жана өнүктүрүү банкынын (ЕРӨБ) Борбордук Азиядагы жана Монголиядагы инфраструктура боюнча директору Екатерина Мирошник баштаган өкүлдөрү менен жолукту.
Министрликтин маалымат кызматынын билдиришинче, жолугушуунун жүрүшүндө ирригация, транспорт жана инфраструктура тармагындагы бир катар инвестициялык долбоорлор, ошондой эле энергетика тармагындагы долбоорлор талкууланган.
Министр кыргыз тараптын Кыргызстанда ишке ашырылып жаткан долбоорлорго жана программаларга ар тараптуу колдоо көрсөтүүгө даярдыгын ырастады.
«Өз кезегинде Мирошник айым ЕРӨБ КРны суу менен камсыздоо, аз көмүртектүү транспорт жана башка инфраструктуралык долбоорлорду илгерилетүүдө колдоого жана долбоордук документтерди, ошондой эле жашыл экономика тармагындагы бир катар долбоорлордун техникалык-экономикалык негиздемесин иштеп чыгууга көмөк көрсөтүүгө даяр экенин билдирди», — деп айтылат маалыматта.
Мындан тышкары, жолугушууда жеке ишкерликти өнүктүрүү, мамлекеттик-жеке өнөктөштүк долбоорлору, климаттын өзгөрүшүнө каршы күрөшүү маселелери, ошондой эле ЕРӨБ башкаруучуларынын жылдык жолугушуусун өткөрүү жана ага катышуу пландары талкууланды.
Кыргызстан ЕРӨБдөн жаңы насыя алат – 370 миң евросун консультанттар алыша
ЕРӨБ Лебединовская ГЭСин реконструкциялоого 13.8 млн евро бөлөт — 8.8 млн евросу кредит
ЕРӨБ таштанды жайды курууга берген кредитти иштете албаганы үчүн Бишкек 252 миң евро комиссия төлөдү
