Ар кандай ички жана тышкы тоскоолдуктарга карабастан 2023-жылга бекитилген республикалык бюджеттин 503 млрд сому толтурулат. Бул тууралуу минкабдын төрагасынын орун басары Бакыт Төрөбаев президентинин Жалал-Абад облусундагы ыйгарым укуктуу өкүлчүлүгүнүн коллегиясынын жыйынында билдирди.
Төрөбаев 2026-жылга чейин министрлер кабинети 2023-жылга карата 554 иш-чараны аткара тургандыгын айтты.
Эскерте кетсек, Салык кызматы жылдын аягына чейин 248 млрд сом чогултууну пландап жатат. Президент Садыр Жапаров дагы консолидацияланган бюджеттин көрсөткүчү кийинки жылы 500 млрд сомдон жогору болот де белгилеген.
