Кечээ, 19-январда «Эл аралык алмашуу орду – Аламүдүн (ММПО Аламүдүн) почтасы» электрондук коммерциясынын почта-логистикалык комплексинин жана сорттоочу OZON борборунун ачылыш аземи болду. Бул тууралуу Экономика министрлиги билдирди.
Иш-чарада министрдин орун басары Айнура Үсөнбекова куттуктоо сөзүн сүйлөп, «Эл аралык алмашуу орду – Аламүдүн (ММПО Аламүдүн)» «Кыргыз почтасы» ААКсынын электрондук коммерциясынын почта-логистикалык комплексинин жана OZON сорттоо борборунун электрондук соода тармагын өнүктүрүүдөгү ордун жана маанисин белгиледи.
«Анткени, электрондук коммерциянын аркасы менен бизнести, айрыкча соода тармагында баштоо оңой. Бул рыноктун бардык катышуучуларына жергиликтүү жана дүйнөлүк деңгээлде атаандаша ала турган соодага бирдей мүмкүнчүлүк берет. Ошондой эле ЕАЭБ өлкөлөрүнүн рынокторунун ортосундагы товарлардын логистикасын жеңилдетет», — деди министрдин орун басары.
OZON борборунун Бишкектеги кеңсеси «Ололо» Эркиндик коворкинг борборунда Эркиндик проспектиси, 64б дарегинде жайгашкан.
Ал эми базардан товарларды жана посылкаларды кабыл алуу жана жеткирүү пункттары Бишкек шаарында «Кыргыз почтасы» ААКсынын филиалдарында төмөнкү даректер боюнча иштеп жатат: Киев көчөсү, 114, Ч. Айтматов пр.61а, Манас пр.7 Орозбеков көч.1а, Токтогул көч, 247, Сүйүмбаева көч. 142, Киев көч. 39, Чүй пр., 96.
Ozon — алдыңкы мультикатегориялуу маркетплейс жана Россиядагы эң ири интернет-компаниялардын бири. Аянтчада 20дан ашык категориядагы китептерден, кийимдерден тамак-аш жана ден соолук үчүн товарларга чейин 150 миллиондон ашык продуктылар бар.
