Ушул январь айындагы «КРнын экономикалык коопсуздугун камсыз кылуу боюнча чаралар жөнүндө» токтомго ылайык, Кыргызстандын аймагынан чет элдик валюталарды накталай алып чыгууга тыюу салынган.
Бирок Улуттук банк кайсы бир кызматтар үчүн чет элдик валютада төлөө зарылчылыгы келип чыкса, анда коммерциялык банктарда ачылган эсептер аркылуу же эл аралык төлөм карталарын колдонуу менен накталай эмес формада төлөөнү сунуштайт.
Буга чейин бир нече жолу Улуттук банк накталай эмес чет өлкө валюталары менен операциялар коммерциялык банктар тарабынан жеке жана юридикалык жактардын суроо-талабы боюнча каалаган көлөмдө жана эч кандай чектөөлөрсүз жүргүзүлөөрүн билдирген.
«Эл аралык төлөм карталарынын ээлери банктык төлөм карталарын колдонуу аркылуу кызмат көрсөтүүлөр үчүн чет өлкө валютасы менен төлөө мүмкүнчүлүгү бар. Мындай учурда накталай чет элдик валютаны ташып жүрүү жана бажыда декларациялоо зарылчылыгы жаралбайт», — дейт регулятор.
Мындан тышкары, банктык төлөм картасы уурдалган же жоголгон учурда да акча каражатынын коопсуз сакталышы камсыздалат.
Кыргызстандан накталай чет өлкө валютасын алып чыгууга убактылуу тыюу салынат
Улуттук банк быйылкы жылы биринчи интервенциясын жүргүзүп, дароо 104 млн доллар сатты
Которулган акчанын комиссиясын жөнөтүүчү адам гана төлөйт — Улуттук банк
