Ак-Суу районунда жапайы тоо теке аткан жергиликтүү тургун кармалды. Бул тууралуу Жаратылыш ресурстары, экология жана техникалык көзөмөл министрлигинин басма сөз кызматы билдирди.
Ысык-Көл — Нарын регионалдык башкармалыгынын аңчы жана егерь кызматкерлери жаратылышты коргоо боюнча рейдтик иш-чаралардын алкагында, Ак-Суу районунун Түргөн капчыгайынан Сары-Жаз сырт өрөөнүнөн келе жаткан Ак-Суу районунун тургуну А.А.Тга тиешелүү «Ленд крузер» үлгүсүндөгү авто унааны токтотуп, кароо жүргүзгөн учурда мыйзамсыз олжолонгон бир даана жапайы тоо текеси табылып, жеринде 100 миң сомдук айып пулга акт түзүлгѳн.
Аталган административтик чара боюнча браконьерге доо коюлуп, чогултулган материалдар кошумча иликтөө үчүн Ак-Суу РИИБге өткөрүлүп берилген.
