Кепилдик фондунун 14% үлүшү сатыкка коюлган, бирок кардар чыккан эмес. Бул тууралуу бүгүн, 17-январдагы Жогорку Кеңештин Транспорт, коммуникациялар, архитектура жана курулуш боюнча комитетинин жыйынында Мамлекеттик мүлктү башкаруу фондунун төрагасы Мирлан Бакиров билдирди.
Бакировдун айтымында, мамлекеттик 3 актив сатыкка бир канча жолу коюлган.
«Кепилдик фонддун 14%ы коюлган, ал 612 млн сомго бааланган, «Керемет банктын» 0.7% үлүшү, 64 млн сомго бааланган жана «Сарамжал Транс» ЖЧК 100% үлүшү 30 млн сомго бааланып, сатыкка 2-3 жолудан коюлду, бирок кардар чыккан жок», — деди ал.
Жыйында «2023-2025-жылдарга КРда мамлекеттик менчикти менчиктештирүү программасынын долбоору тууралуу» жана «КРнын Жогорку Кеңешинин мамлекеттештирилген объекттерди натыйжалуу башкаруу жана тескөө боюнча программаларына өзгөртүүлөрдү киргизүү жөнүндө» мыйзам долбоору каралды.
