Өзгөчө кырдаалдар министрлиги (ӨКМ) 3-январдан 5-январга чейин күтүлүп жаткан жаан чачынга байланыштуу Кыргызстандын тоолуу райондорунда кар көчкүлөрү түшүүсү мүмкүн экенин билдирди.
ӨКМ «Мырза-Аке — Кара-Кулжа — Алайкуу» автоунаа жолунун 55-107 чакырымдарында, «Ала-Бука — Каныш-Кыя» автоунаа жолунун 68-101 чакырымдарында (Чапчыма ашуусу) жана «Красная-Горка — Акташ» автоунаа жолунун 1-4 чакырымдарында кар көчкү түшүүсү жана кар күрткүсү күтүлөрүн жана жолдор тайгак болорун эскертти.
«Унаалардын ортосундагы 500 метр аралык кыймыл чектелиши зарыл! Кырсык катталган учурда 112 бирдиктүү номерине байланышыңыз», — дейт министрлик.
