Кыргызстандын бизнеси бюджетке 29 млрд сомдон ашык карыз

Кыргызстандын бизнеси бюджетке 29 млрд сомдон ашык карыз

Кыргызстанда 2.7 миңден ашык ишкана жана жеке ишкерлер мамлекетке карыз. Жалпысынан алар бюджетке 29 млрд сомдон ашык салык жана 1.5 млрд сом камсыздандыруу төгүмдөрүн төлөшкөн эмес.

Салык кызматы салык жана камсыздандыруу төгүмдөрү боюнча ири карызы барлар боюнча маалымат берди. Тизмеге 2753 ишкана жана жеке ишкерлер кирген. Карызкорлордун басымдуу бөлүгү Бишкектин Биринчи Май (677 карызкор), Ленин (622 карызкор) жана Свердлов (538 карызкор) райондорунда катталган.

Бизнестин Кыргызстандын бюджетине салык боюнча жалпы карызы 29 млрд сомдон ашкан. Ошондой эле карызкорлор камсыздандыруу төгүмдөрү боюнча 1.5 млрд сомдон ашык сумманы төлөй элек.

Салык кызматы бул карыздар 2022-жылы эле пайда болдубу же көп жылдардан бери салык жана жыйымдарды төлөбөй келгендиктен чогулганбы, тактап айткан жок.

Салык боюнча өлкөдөгү эң ири карызкорлор булар:

  • Чүй облусунун Сокулук районундагы «Лаллана Трейд» ЖЧКсы. Компания 3.2 млрд сомдон ашык салыктык карызын төлөй элек.
  • Бишкек шаарынын Свердлов районунун тургуну Кутманбек Шамурзаев салыктар боюнча 1.8 млрд сомдон ашык карыз.
  • «ИНТЕРРУСТРЕЙД» компаниясынын Бишкектеги филиалы 1.5 млрд сомдон ашык салык төлөй элек.
  • Бишкек шаарынын Свердлов районунда жашаган жеке ишкер Уфуэр Айсыкаэр казынага дээрлик 1.3 млрд сом карыз.
  • Бишкек шаарынын ошол эле Свердлов районунда катталышкан Нурзат Жалалов жана жеке ишкер Мирлан Күлбаевдин салык боюнча ар биринин дээрлик 1 млрд сомдой карызы бар.

Социалдык тармактардан бөлүшүү

АКЫРКЫ ЖАҢЫЛЫКТАР
Улуттук энергохолдинг быйыл жоюлат — Энергетика министри 24 января 2023 г.    17:59
Казакстандыктарга Европага визасыз кирүү каралууда — бийлиги сүйлөшүүлөрдү жүргүзүп жатат 24 января 2023 г.    17:23
Ысык-Көлдө 13 айыл пилоттук режимде беш ирилештирилген айыл аймагына киргизилет 24 января 2023 г.    17:05
Эмгек министрлиги Москвадагы кыргызстандык жаранга 1.6 млн рубль айлык маянасын алууга жардамдашты 24 января 2023 г.    16:25
Швейцария КРга климаттын өзгөрүүсүнө туруктуулукту жогорулатуу үчүн 9 млн доллар каражат берет 24 января 2023 г.    15:44
Салык кызматы быйыл 248 млрд сом чогултууну пландап жатат 24 января 2023 г.    14:58
Ушул күндөрдө «Манас» аэропортунан кайсы шаар, өлкөлөргө учуп кетсе болот? — тизмеси 24 января 2023 г.    13:40
Венгрияга жүргүнчүлөрдү жана жүктөрдү ташуу боюнча макулдашуу ратификацияланды 24 января 2023 г.    13:22
БАРДЫК ЖАҢЫЛЫКТАР
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40
Валюта Конвертери