Эр-Риядда кыргыз-сауд Өкмөттөр аралык кызматташуу комитетинин үч күндүк жыйыны аяктады. Эки тарап өз ара соода, инвестиция, туризм жана башка тармактарды өнүктүрүүнү макулдашты.
Жыйынга министрлер кабинетинин төрагасынын биринчи орун басары Адылбек Касымалиев катышты, деп билдирди өкмөттүн басма сөз кызматы. Иш-чаранын жыйынтыгында ал башка жаңылыктар менен катар эки өлкөнүн ортосунда үзгүлтүксүз түз аба каттамдары ачыларын билдирди.
Ошондой эле Сауд өнүктүрүү фонду менен биргелешкен долбоорлорду ишке ашыруу, ири сауд компанияларынын Кыргызстанга иш сапары, Сауд Арабиясында Кыргызстан Соода үйүнүн ачылышы жана эки өлкөнүн продукцияларынын халал сертификаттарын өз ара кабыл алуу боюнча иш алып баруу сыяктуу башка макулдашуулар да түзүлдү.
