Улуттук банк банктардын жана акча алмаштыруу жайларынын ишине көзөмөлүн күчөттү. Регулятор мыйзамдын талаптарын аткаруу үчүн текшерүүлөр жүргүзүлүп жатканын билдирди.
Мыйзам бузуулар аныкталган учурда Улуттук банк тиешелүү чараларды көрөрүн белгиледи. Ошондой эле укук коргоо органдары менен бирдикте лицензиясы жок алмашуу операцияларын жүргүзгөн жарандарды жоопко тартат.
Өлкөнүн башкы банкы КРнын мыйзам талаптарын жана Улуттук банктын ченемдик укуктук актыларынын талаптарын бузууга жол бергендиги үчүн эки алмашуу бюросунун ар бирине 55 миң сом өлчөмүндө айып пул салды.
Мындан тышкары, мыйзам бузуулар үчүн беш акча алмаштыруу бюросунун лицензиялары ар кандай мөөнөткө – 2022-жылдын 12-ноябрынан 26-ноябрына чейин токтотулган.
Ошондой эле, жөнгө салуучу орган 22-ноябрдан тарта «Экспо Мани» ЖЧКсынын акча алмаштыруучу жайынан нак чет өлкө валютасы менен алмашуу операцияларын жүргүзүү укугуна ээ лицензиясын жокко чыгарды.
