Бүгүн, 15-ноябрда ушул сааттарда Эл аралык иштер, коргоо, коопсуздук жана миграция боюнча комитетинин жыйынында Кемпир-Абад боюнча макулдашуунун долбоору каралууда.
Жыйында депутаттар кыргыз бийлиги долбоор боюнча материалдарды толук бербегенин айтып, нааразы болушту.
«Келишимде «тиркеме-1, тиркеме-2, тиркеме-3 келишимдин ажыратылгыс бөлүгү» деп жазылып турат, мен алган материалдарда айтылган тиркемелер жок», — деди депутат Талант Мамытов.
Министрлер кабинетинин чек ара маселелери боюнча атайын өкүлү Назирбек Бөрүбаев чоң карта болгондуктан, бир эле экземпляр келгенин айтты.
«90 депутат бар, ар бирине маалымат жетиш керек. Материалдар жок болсо, бир материалды 90 депутат келип талашып караш керекпи. Тиркемелер жок», — деди депутат.
