Бүгүн, 14-ноябрга карата Кыргызстанда доллардын рыноктук курсу 83.5-84.5 сом болууда (сатып алуу-сатуу).
Valuta.kg сайты маалымдагандай, эртең менен саат 10.00гө карата Моссоветтеги акча алмаштыруучу жайларда доллардын орточо курсу 83.5 сомду (сатып алуу) жана 84.5 сомду (сатуу) түздү. Коммерциялык банктар да доллардын курсун бүгүн бирдей коюшту.
Белгилей кетчү нерсе, евронун наркы көтөрүлүүдө. 1 евронун алуу курсу — 86.5 жана сатуу — 87.5 сомдон болууда. Ал эми комбанктарда сатуу курсу 88 сомго чейин жетүүдө.
Улуттук банктын 14-ноябрга карата койгон доллардын расмий курсу 83.2-84.3 сомду түздү. Ал эми евро — алуу 84.1, сатуу — 86.5 сом.
