Тажиктердин куралдуу кол салуусунан Баткенде 700дөй объект талкаланды – дагы такталууда

Тажиктердин куралдуу кол салуусунан Баткенде 700дөй объект талкаланды – дагы такталууда

Атайын түзүлгөн комиссия кыргыз-тажик кагылышуусунан келтирилген чыгымды аныктоо иштерин баштады. Бул тууралуу ӨКМ билдирди.

Алдын ала маалыматтар боюнча, куралдуу кагылышууда 700дөй объект талкаланган. Анын ичинен:

  • Турак жай имараттары – 364
  • Чарбалык курулуштар – 168
  • Социалдык объекттер – 9 (мектеп – 5, бала бакча – 3, ФАП – 1)
  • Стратегиялык объекттер – 5
  • Кыймылсыз мүлк жана турмуш-тиричиликти камсыздоо объектилери – 149
  • Транспорт – 9.

«Учурда кыргыз-тажик чек арасындагы согуштук аракеттерден кийин Баткен жана Ош облустарында келтирилген зыянды жана кыйратууларды аныктоо боюнча атайын комиссия иштеп жатат», – деп билдирди КРнын ӨКМ Куткаруучуларды даярдоо мамлекеттик борборунун башчысы, подполковник Ырысбек Жолдошбаев.

Жолдошбаев белгилегендей, бул акыркы маалыматтар эмес, бардык аймакты, объектилерди изилдөө жана келтирилген зыянды баалоо боюнча иштер уланууда.

Эскерте кетсек, бүгүн, 20-сентябрдан баштап, Баткен облусунун жана Ош облусунун Чоң-Алай районундагы кыргыз-тажик чек ара аймактарында жарылбай калган снаряддарды, миналарды жана башка жарылуучу каражаттарды таап, аларды зыянсыздандырып, тазалоо боюнча иш-аракеттер башталды.


Эске салсак, 16-сентябрда кыргыз-тажик мамлекеттик чек арасынын бардык периметри боюнча куралдуу кагылышуулар башталып, Баткен облусунун тургундарын эвакуациялоо иштери башталган. КРнын Улуттук коопсуздук боюнча мамлекеттик комитети тажик тарап оор бронтехникаларды, ракеталык системаларды жана авиацияны колдонгону тууралуу маалымат берди. Кыргызстан менен Тажикстандын Улуттук коопсуздук боюнча мамлекеттик комитетинин жетекчилери Камчыбек Ташиев менен Саймумин Ятимов саат 16:00дө ок атышууну токтотууну макулдашышкан. Бирок эки сааттан кийин Тажикстан Республикасынын чек арачылары Кыргызстан тарапка кайрадан ок чыгарышкан.

Жалпы Баткен облус боюнча 136 770 жаран  эвакуацияланып, анын ичинен 3767 жаран убактылуу кабыл алуу жайларга жайгашкан. 

Бүгүн, 20-сентябрга карата куралдуу кагылышуудан шейит болгондордун саны 59га, жаракат алгандардын саны 185ке жетти.

Поделиться в соцсетях:

Последние новости

«Кепилдик фонду» 18 банкка сынак өткөрүп, эң мыкты креддик адистерди аныктады 2 декабрда 2022 г.    17:07
ЕРӨБ берген 12 млн доллар вагондорду сатып алууга жана бекемдөө иштерине кетет – келишимдин чоо-жайы 2 декабрда 2022 г.    16:11
Геосаясий фактор, логистика, алып-сатуу операциясы – Улуттук банк доллардын дефицитине түшүндүрмө берди 2 декабрда 2022 г.    15:37
Январь-ноябрь айларында пенсияга 52.5 млрд сом кетти – эң көп пенсионерлер Ош облусунда 2 декабрда 2022 г.    15:13
Доллардын курсу келерки жылы 83.3 сом деңгээлинде кармалат – ЕӨБдүн божомолу 2 декабрда 2022 г.    12:15
Кыргызстандын ИДПсынын өсүү темпи жыл аягында басаңдайт – ЕӨБ 2 декабрда 2022 г.    11:13
Япониянын тышкы соода уюму КРнын продукциясын экспорттоого көмөктөшөт 2 декабрда 2022 г.    10:14
«Манас» аэропортунда 1 млн сомдон ашык суммадагы баалуу металл уютундусу кармалды 2 декабрда 2022 г.    9:36
Все новости
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют