Самаркандда Өзбекстан – Кыргызстан – Кытай темир жолунун курулуш долбоору боюнча макулдашууга кол коюлду

Самаркандда Өзбекстан – Кыргызстан – Кытай темир жолунун курулуш долбоору боюнча макулдашууга кол коюлду

Кечээ, 14-сентябрда, Самарканд шаарында Шанхай кызматташтык уюмунун (ШКУ) саммитинин аянтчасында КРнын Транспорт жана коммуникациялар министрлиги, Өзбекстандын Транспорт министрлиги, Кытайдын Өнүгүү жана реформа боюнча мамлекеттик комитетинин ортосунда Өзбекстан-Кыргызстан-Кытай темир жолунун курулуш долбоору боюнча кызматташуу боюнча Макулдашууга кол коюлду.

Президенттин маалымат кызматынын билдирүүсүнө ылайык, макулдашууга КР Транспорт жана коммуникациялар министри Эркинбек Осоев, Өзбекстандын транспорт министри Илхом Махкамов жана видеоконференция форматында катышкан КЭР өнүгүү жана реформа боюнча мамлекеттик комитетинин  Төрагасы Хэ Лифэн кол коюшкан.

Документте КРнын аймагындагы  тилкеде “Торугарт – Арпа – Макмал – Жалал-Абад” каттамынын бириктирилген варианты боюнча Кытай-Кыргызстан-Өзбекстан темир жолун куруу долбоорунун техникалык-экономикалык негиздемесин ийгиликтүү бүтүрүүгө биргелешип көмөк көрсөтүү каралган.

Тараптар активдүү кызматташат жана Кыргызстанда жүргүзүлө турган  техникалык-экономикалык негиздеме боюнча Кытай темир жол корпорациясынын Биринчи долбоорлоо-изилдөө институтуна биргелешип колдоо көрсөтүшөт.

Техникалык-экономикалык негиздеме боюнча бардык иштерди аяктоо мөөнөтү (баалоо жүргүзүү убактысын кошкондо) – 2023-жылдын 1-июнунан кеч эмес бүткөрүлөт.

Тараптар техникалык-экономикалык негиздеменин каржылоосун үч тараптуу келишим түзүү жолу менен ТЭНге кеткен чыгымдарды Тараптардын ортосунда бирдей үлүштө бөлүштүрүүнү ниеттенишет.

“Жаңы темир жол коридору Евразиянын континенталдык көпүрөсүнүн түштүк бутагы болуп, Түштүк-Чыгыш, Батыш Азия, Жакынкы Чыгыш өлкөлөрүнө жол ачат. Бул каттам Кытайдан жүктөрдү Кыргызстанга, ошондой эле Борбордук Азия жана Жакынкы Чыгыш өлкөлөрүнө, анын ичинде Түркия жана Евробиримдикке жеткирүүнү камсыздайт.

Долбоор транзиттик жүк ташуунун эл аралык рыногунда атаандаштыкка туруштук берүүнү аралыктын жана жүк жеткирүү убактысын кыскартуу аркылуу арттырат”, – деп айтылат маалыматта.

Долбоорду ишке ашыруу Кыргызстандын экономикасынын өнүгүшүнө жалпы социалдык-экономикалык оң таасирин тийгизет жана  калкка транспорттук кызмат көрсөтүүнү кеңейтүүгө,  транспорттук инфраструктураны өнүктүрүүгө жана өркүндөтүүгө таасир этүүсү күтүлүүдө.


Кошумча окуңуз:

Кытай – Кыргызстан – Өзбекстан темир жолу курулса, КР жылына 200 млн доллар пайда көрмөк. Бирок эмнеге 30 жылдан бери курулбай келет?

КЭР – КР – Өзбекстан темир жолунун долбоорун иштеп чыгууга Кытайдан 80 адис келди

Кытай – Кыргызстан – Өзбекстан темир жолун куруу долбооруна сентябрда Самаркандда кол коюлат

Кытай — Кыргызстан — Өзбекстан темир жолунун алдын ала маршруту аталды

«Кытай – Кыргызстан – Өзбекстан» темир жол курулушунун долбоорун ишке ашыруу боюнча макулдашуу дээрлик бүтүп калды

Садыр Жапаров: Жакынкы арада Кытай – Кыргызстан – Өзбекстан темир жолунун курулушун баштайбыз

КЭР Кытай – Кыргызстан – Өзбекстан темир жолунун курулушу боюнча КР даярдаган документтерди карап жатат

Поделиться в соцсетях:

НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют