Үч кыргызстандык стартап Мароккодо өтүүчү A-Hub акселератордук программасынын финалына катышат

Үч кыргызстандык стартап Мароккодо өтүүчү A-Hub акселератордук программасынын финалына катышат

Үч кыргызстандык стартап эл аралык акселератордук A-Hub программасынын финалына чыгып, Мароккого жолдомо утушту. Финалда алар инвесторлорго долбоорлорун сунуштап, баш байге үчүн ат салышат.

Акселератордук программага катышуу үчүн Кыргызстандын бардык аймактарынан 86 арыз түшкөн, анын ичинен 15 IT-долбоор тандалып алынган.

Акселерациянын алкагында катышуучулардын астына деңгээлин жогорулатуу, чыгармачыл, технологиялык жана маданий потенциалын жогорулатуу, бизнес-процесстик көрсөткүчтөрдү жакшыртуу жана продукцияга суроо-талап бар экенин жана туруктуулугун далилдөө максаттары коюлган. Аларга бир ай бою тренерлер семинарлар жана воркшоптор аркылуу жардам беришкен.

Стартаптардын арасында онлайн-ферма, үйдө жасалган тамак-аш жеткирүү кызматы, камсыздандыруу компаниялары үчүн платформа, фотосток жана башка кызыктуу идеялар сунушталды.

Финалда 11 команда тажрыйбалуу стартапчылар, бизнес-акселераторлордун өкүлдөрү кирген калыстар тобуна кыскача презентацияларын көрсөтүштү. Жыйынтыгында 3 стартап Мароккодо 2022-жылдын ноябрь айында өтө турган чоң финалда өз долбоорлорун көрсөтүү мүмкүнчүлүгүнө ээ болушту:

  • Fin.KG – финансы, инвестиция жана акча топтоо боюнча акысыз онлайн-жардамчы. Стартаптын сервистери кредиттик жана депозиттик продуктыларды тандоого, эсеп ачууга, карталарды чыгарууга, микрокредиттерди алууга жана камсыздандырууга онлайн-арыздарды тапшырууга жардам берет.
  • Til Zone – бул чет тилдерин үйрөнүү үчүн платформа. Tilzone-до видеобайланыш жана электрондук окуу китеби бар, окутуучу менен окуучу көнүгүүлөрдү бирге жасай алышат. Система аткарылган тапшырмаларды автоматтык түрдө текшерип, сүйлөө практикасына көбүрөөк убакыт берет. Ошондой эле, платформа аркылуу мугалим тапшырмаларды жана дилбаяндарды текшерип, комментарий жана баа бере алат.
  • Dofphotos – Кыргызстандагы сүрөттөрдү мыйзамдуу жол менен колдонууга жана сүрөтчүнүн автордук укугун коргоого кепилдик берген биринчи фотосток. Өлкөдөгү жана Борбор Азиядагы жаңылыктарды чагылдырган, репортаждык жана архивдик сүрөттөрдү www.dofphotos.com сайтынан тапса болот.

Бул акселератордук программа исламдык ICESCO билим берүү, илим жана маданият уюму, казакстандык MOST бизнес-инкубатору жана кыргызстандык DevCIT бизнес-акселератору тарабынан уюштурулган. Программанын өнөктөшү – Кыргызпатенттин Инновациялык борбору.

Поделиться в соцсетях:

Последние новости

Баткен: ӨКМ убактылуу пунктарда жарандарды биринчи керектелүүчү азыктар менен камсыздап жатат 16 сентябрда 2022 г.    13:56
Баткен: кыргыз-тажик чек арасындагы окуядан дагы 13 киши ооруканага түштү – жалпы 31 адам 16 сентябрда 2022 г.    13:50
Спорт ордосунун имаратында Баткендин тургундары үчүн гуманитардык жардамды кабыл алуу пункту ачылды 16 сентябрда 2022 г.    13:24
Баткен облусунда эвакуацияга кайсы жолдор ачык, кайсылар жабык? 16 сентябрда 2022 г.    12:56
Баткен: КР Тажикстандын ТИМине нааразылык нотасын тапшырды 16 сентябрда 2022 г.    11:56
Улуттук банк алтын куймаларын КФБнын соода аянтында сатыкка чыгарганын расмий билдирди 16 сентябрда 2022 г.    11:21
Жыл аягына чейин Кореяга дагы 1 миңден ашык жаранды миграцияга жөнөтүү каралууда 16 сентябрда 2022 г.    10:45
Башкы прокуратура «Кумтөр Голд Компанинин» мурдагы директору Канат Курмановго издөө жарыялады 16 сентябрда 2022 г.    10:28
Все новости
НБ КР
USD 81.05
EUR 80.98
RUB 1.35
Моссовет
USD 82.32
EUR 83.22
RUB 1.38

Конвертер валют