КРнын Россиядагы элчилиги кыргызстандыктар Россияга учак менен гана бара алаарын эскертти.
Элчилик 2022-жылдын 11-апрелинен тартып, Казакстанга КРнын, Россиянын жана Өзбекстандын чек арасы боюнча өтүүчү кургактыктан өткөрүү пункттары аркылуу өтүүгө уруксат берилгенин билдирет.
«Бирок Россия Өкмөтү тарабынан чет өлкөлүк жарандарга, анын ичинде КРнын жарандарына коронавирус инфекциясына карата эпидемиологиялык кырдаалга байланыштуу Россияга кургактыктагы өткөрүү пункттары аркылуу кирүүгө тыюу салуу чечими күчүндө калгандыгын белгилейбиз», – дейт элчилик.
Россиядан аталган пункттар аркылуу автоунаа менен чыгууга гана уруксат берилет. Учурда КРнын жарандарына Россиянын аймагына аба аркылуу кирүүгө гана уруксат берилген.
