Германиянын өнүктүрүү банкы Кыргызстанга агрофинансылык секторду өнүктүрүүгө грант бөлдү. Бул тууралуу Финансы министрлигинин маалымат кызматы билдирди.
2022-жылдын 6-апрелинде КР менен Германия өнүктүрүү банкынын (KFW) ортосунда агрофинансылык секторду колдоо үчүн 10 млн евро өлчөмүндөгү гранттык каржылоо жөнүндө макулдашууга кол коюлган.
«Аталган «Агрофинансылык кошумча нарк чынжырчасы, 2-фаза» долбоорунун максаты – тандалган коммерциялык банктар аркылуу техниканы жаңылоо жана заманбап технологияларды колдонуу үчүн жергиликтүү валютада узак мөөнөттүү айыл чарба инвестициялык кредиттерин алууга фермерлерге жана ишканаларга көмөк көрсөтүү болот», – деп айтылат билдирүүдө.
