Бишкектеги калкты тейлөө борборлорунда (КТБ) Соцфонддун кызматтарын пайдалануу мүмкүнчүлүгү пайда болду. Бул тууралуу аталган мекеменин маалымат кызматы билдирди.
Калкка көрсөтүлүүчү мамлекеттик кызматтардын жеткиликтүүлүгүн жогорулатуу үчүн Санариптик өнүктүрүү министрлигине караштуу «Инфоком» мамлекеттик ишканасы менен биргеликте пилоттук долбоордун алкагында Бишкек шаарындагы КТБнын базасында мамлекеттик пенсиялык социалдык камсыздандыруу маселелери боюнча кызмат көрсөтүү иштери башталды.
Бишкек шаарындагы Биринчи Май, Свердлов, Октябрь жана Ленин райондук КТБ пенсияны дайындоо же кайра эсептөө жөнүндө арыздарды кабыл алуу, пенсияны төлөө мөөнөтүн узартуу, пенсияларды төлөө каналын өзгөртүү, сөөк коюуга жөлөкпул алуу, ошондой эле пенсионерлерге пенсиянын өлчөмү жөнүндө маалымкат жана камсыздандырылган адамдардын жеке камсыздандыруу эсебинен (ӨКЭ) көчүрмөсүн берүү каралган.
