КР ТИМдин берген маалыматтарына ылайык, жаңыдан түзүлгөн Кыргыз-Герман Ишкерлер Кеңешин да Акылбек Жапаров жетектейт.
КРнын Германиядагы Элчиси Өмүрбек Текебаев кечээ, 30-мартта Министрлер кабинетинин төрагасы Акылбек Жапаров менен жолугуп, жолугушууда кыргыз-герман кызматташтыгын жигердетүү, анын ичинде соода-экономикалык жана инвестициялык жааттардагы маселелерди талкуулашканын КРнын Германиядагы элчилиги кабарлады.
«Айрыкча, жаңыдан түзүлгөн Кыргыз-Герман Ишкерлер Кеңешинин биринчи отурумун жана 2022-жылдын июнь айында Бишкекте боло турган кыргыз-герман бизнес-форумун өткөрүү сүйлөшүлдү.
Кыргыз-Германия ишкерлер кеңешинин түзүлүшү оң жагына белгиленип, анын кыргыз бөлүгүн КРнын Министрлер кабинетинин төрагасы Акылбек Жапаров жетектеди», – деп айтылат билдирүүдө.
Эскерте кетсек, бүгүн эле Акылбек Жапаров Макроэкономикалык жана инвестициялык саясат боюнча координациялык кеңешти жетектегени тууралуу маалымдалган.
