«Түштүк-Батыш» бажысынын кызматкерлери 20 тонна сабиздин контрабандасын кармашты. Бул тууралуу аталган мекеменин маалымат кызматы билдирди.
ЕАЭБдин бажы чек арасы аркылуу товарларды жана транспорт каражаттарын мыйзамсыз ташып өтүү фактыларына бөгөт коюу жана аныктоо боюнча иш-чаралардын жүрүшүндө, «Түштүк-Батыш» бажысынын Контрабандага жана бажы эрежелерин бузууга каршы күрөшүү боюнча бөлүмүнүн кызматкерлери тарабынан Ош шаарынын Манас-Ата кичи районунда КР жараны И.М.С. башкаруусунда Krone үлгүсүндөгү жарым чиркегич менен Volvo АР-12 үлгүсүндөгү транспорт каражаты токтотулган.
Жүк транспортун кароодо жалпы салмагы 20 миң 200 кг сабиз коштоочу документтери жок табылган. «Эксперт Оценка» ЖЧКсы Көз карандысыз экспертиза жана баалоо борборунун корутундусуна ылайык, кармалган товардын орточо базар наркы 505 миң сомду түзөт.
Факт КБР АМС МЭЖге катталган, материалдар Ош облусунун прокуратурасына берилген.
