Март айына карата Жерүй кенин иштетип жаткан «Альянс Алтын» компаниясы республикалык жана жергиликтүү бюджетке 5.1 млрд сом салык төлөгөн жана анын 2.6 млрд сому алтынды сатуудан түшкөн каражаттан келген. Бул тууралуу компаниянын каржылык отчетунда айтылат.
Талас облусунун жергиликтүү бюджетине инфраструктураны өнүктүрүү жана күтүү үчүн «Альянс Алтын» ишканасы тарабынан 272 млн 288 миң сом төлөнүп, анын ичинен:
- Талас облусунун өнүктүрүү фондуна (50%) — 136 144 132 сом
- Талас районунун өнүктүрүү фондуна (30%) — 81 686 479 сом
- Бекмолдо айылдык Кеңешинин өнүктүрүү фондуна (20%) – 54 457 653 сом бөлүнгөн.
Март айына карата «Альянс Алтын» ЖЧКсында жалпысынан 674 кызматкер иштейт:
- Бишкектен – 90 жумушчу (кызматкерлердин жалпы санынын 13%)
- башка аймактардан – 186 кызматкер (28%)
- Талас облусунан – 398 жумушчу (59%), анын ичинен Бекмолдо айылдык кеңешинен – 159 кызматкер (Талас облусундагы кызматкерлердин жалпы санынын 24%).
Белгилей кетсек, 2022-жылдын январь айында компания атайын рекультивациялык эсепке 795 миң сом чегерген.
