Өз күчүбүз менен Балыкчы – Кочкор – Кара-Кече темир жолун кура баштадык. Бул тууралуу президент Садыр Жапаров өзүнүн Facebook баракчасында жазды.
Анын айтымында аталган темир жол 1-2 жылда Кочкорго чейин курулуп, андан ары Кара-Кечеге чейин жетет.
«30 жыл ичинде республикабызда бир метр темир жол курмак түгүл, тескерисинче, 42 чакырым жолубузду жоготуптурбуз. Албетте, өкүнүчтүү. Эми кайра узарта баштадык. Келечекте Кара-Кечеден ары Макмалга жана Жалал-Абадка жеткирип, бириктиребиз. Ошентип «Түндүк-Түштүк» темир жолун ачабыз», – дейт Жапаров.
