Министрлер кабинети импорттолуучу кумшекердин жана өсүмдүк майына КНСтин ставкасын нөлгө түшүрдү. Бул тууралуу кабинеттин маалымат кызматы кабарлады.
Министрлер кабинетинин төрагасы Акылбек Жапаров Министрлер Кабинетинин кезектеги кеңешмесин өткөрүп, анда 14 маселе каралды.
Минкабдын чечимине ылайык, 2022-жылдын 1-апрелинен 31-декабрына чейин КРга импорттолуучу кумшекердин жана рафинаддалган өсүмдүк майынын кошумча наркына нөлдүк салык ставкасы белгиленген.
Ошондой эле жыйында салык карыздарын өндүрүү тартиби жана кыйыр ыкмалардын негизинде салыктык милдеттенмелерди аныктоонун методологиясы бекитилди.
