Үстүбүздөгү жылдын январь-февраль айларында Кыргызстанда дүң жана чекене сооданын өсүшү 6.3%ды түздү. Бул аралыкта өлкөнүн ишкерлери 69 млрд 405.8 млн сомго (январь айынын орточо курсу боюнча 820 млн долларга жакын) соода жүргүзүшкөнүн Улутстатком билдирди.
Бул мезгилде дүң сооданын көлөмүнүн өскөнү байкалып, ал – 11.4%га жеткен. Чекене товар жүгүртүү 7.4%га көбөйгөн.
Белгилей кетсек, өткөн жылдын январь-февраль айларында ушул эле мезгилге салыштырмалуу дүң жана чекене сооданын көлөмү 12.7%га кыскарган болчу.
