Мигранттар Кыргызстанга которгон каражаттардын үчтөн биринен көбү Россияда иштебей калган Western Union төлөм системасы аркылуу келчү.
Өткөн жылы бул төлөм системасы аркылуу Кыргызстанга дээрлик 89 млрд сом келген. Бул система популярдуулугу жагынан экинчи орунда турган.
Эске салсак, буга чейин америкалык компания 24-марттан тарта Россия менен Беларуста ишин токтоторун билдирген болчу. Мындай чечим Украинадагы кырдаалга байланыштуу кабыл алынган.
Белгилей кетсек, Western Union системасын акыркы маалыматтар боюнча Россияда 1 миллиондон ашык адам түзгөн кыргызстандык мигранттар активдүү пайдаланышчу.
