Быйыл Нооруз майрамы дүйшөмбүгө туш келгендиктен, кыргызстандыктар 3 күн эс алышат. Aviasales.kg сайтынын талдоочулары бул күндөрү авиа билеттерге суроо-талап 28%га өскөнүн жана бул дем алыш күндөрү кыргызстандыктар кайда учарын аныкташты.
Кыргызстандыктардын эң биринчи эл аралык туристтик багыттары – Түркия, Грузия жана Бириккен Араб Эмираттары.
Стамбулга суроо-талап бул жазгы майрамда – үч эсеге өскөн, ал эми эконом-класстагы бир тарапка учуу каттамынын орточо баасы – 21 116 сомду түзгөн. Билет алгандар Стамбулда орточо 7 күн жүрүшөт.
Грузияга суроо-талап 17%га өстү, кыргызстандыктар ал жерде орточо 8 күн болушат. Тбилисиге билет баасы – 22 535 сом.
Дубайга билеттер 5% көбүрөөк брондолгон, билет алгандар ал жакта 9 күн болушат. Бул чөлкөмгө майрам күндөрү билет кымбат болот жана ал – 30 852 сомду түзөт.
Кыргызстандыктардын бир бөлүгү жаз майрамын өлкөнүн башка аймактарында тосуп алуу үчүн учуп кетишет. Бишкекке авиа билеттерге суроо-талап 17%га, Ошко 35%га өскөн. Ички авиакаттамга билеттин орточо баасы – 2343 сомду түзөт.
