5 жылдын ичинде жолдорду курууга жана оңдоого бөлүнгөн финансылык каражаттардын көлөмү 10 млрд 139 млн сомдон 16 млрд 543 млн сомго чейин өстү. Бул тууралуу Министрлер кабинетинин маалымат кызматы кабарлады.
- 2018-жылы каржылоонун жалпы суммасы 10 млрд 139 млн сомду түзсө, аткарылган иштердин көлөмү 558 км (анын ичинен 374 км асфальт-бетон төшөлгөн) түзгөн.
- 2019-жылы бөлүнгөн каражаттын көлөмү 11 млрд 752 млн сомду түзүп, аткарылган иштердин көлөмү 754 чакырымды түзгөн (анын ичинен 425 чакырымына асфальт-бетон төшөлгөн).
- 2020-жылы коронавирустук инфекция пандемиясынан улам аткарылган жумуштун жалпы көлөмү болгону 314.4 чакырымды түзүп, ага 7 млрд 133 млн сом сарпталган.
- 2021-жылы жолдорду курууга 12 млрд 273 млн сом каралып, 280 чакырым жол курулуп, оңдолгон (анын ичинен 186 чакырымына асфальт-бетон төшөлгөн).
- 2022-жылы 661.5 чакырым жолду курууга жана оңдоого 16 млрд 543 млн сом бөлүү пландалууда (анын ичинен 406 чакырымына асфальт-бетон төшөлгөн).
Министрлер кабинети белгилегендей, жолдорду курууда зарыл болгон жол жээгиндеги инфраструктураны, мисалы, май куюучу жайларды, дааратканаларды, медпункттарды, коомдук тамактануу жайларды түзүүгө каражат каралышы зарыл.
Кошумча окуңуз: Жолдорго берилген тышкы насыялар. 18 жылдын ичинде алынган 2.68 млрд доллар каякка сарпталды?
