Айыл чарбасын каржылоого комбанктарга 4.9 млрд сом бөлүнөт. Бул тууралуу Финансы министрлигинин маалымат кызматы кабарлады.
«Финансы министрлигине долбоорду ишке ашырууга коммерциялык банктарга пайыздык чендерди субсидиялоо үчүн 520 млн сом бөлүп берүү тапшырылды. Бул 4.9 млрд сом өлчөмүндө жылдык 6%дык үстөк менен жеңилдетилген кредиттерди берүүгө мүмкүндүк берет», — деп билдиришти ведомстводон.
Каражат мал чарбачылыгын, өсүмдүк өстүрүүнү жана кайра иштетүүнү каржылоого каралган.
Бүгүнкү күндө катышуучу банктар тарабынан кредиттик жана күрөөлүк документтерди тариздөө жана айылдык товар өндүрүүчүлөргө жеңилдетилген кредиттерди берүү боюнча иштер башталды.
