Эгерде жаран пенсия курагына жеткенче эч жерде иштебесе, Соцфондго бир да тыйын төлөбөсө, анда ал пенсияга чыкпайт. Бул тууралуу бүгүн, 9-марттагы Жогорку Кеңештин жыйынында Социалдык фонддун төрагасы Бактияр Алиев билдирди.
Жыйында депутат Алишер Козуев эгерде адам өмүрүндө бир тыйын да Соцфондго которбой келген болсо, пенсияга кайсы критерий менен чыгаарын сурады.
«Бүгүнкү күндө андай критерий жок. Соцфондго эч нерсе төлөбөсө, анда ал пенсияа чыкпайт», – деди ал.
Салык кызматынын берген маалыматына таянсак, камсыздандыруу төлөмдөрүн 1.1 млн жаран төлөйт. 2021-жылы 38.3 млрд сом каражат түшкөн. Айына бул 3.1-3.2 млрд сомду түзөт.
