Экономика жана соода министрлигинин салык саясаты башкармалыгынын башчысы Кубанычбек Ысабеков калкты ККМди колдонууга үндөө иштери жүрүп жатканын айтты. Бул тууралуу ал Economist.kg басылмасы уюштурган«Бизнес жаңы Салык кодексинин шарттарында: тирүү калуу!» деп аталган тегерек столдо билдирди.
Ысабековдун айтымында, сунуш кылынган кэшбэк системасы кардарларды ККМди колдонууну талап кылууга жардам берет.
«Товардын наркынын бир бөлүгү кардардын эсебине кайтарылат. Коңшу мамлекеттерде 1 кассага 27-35 адам туура келет деген статистика бар, бизде бир ККМге 250 адам туура келет», – деди ал.
Мындан тышкары, ал ККМдин чектери менен лотереяларды ойнотуу, ага баалуу байгелерлерди коюу пландалып жатканын билдирди.
