Элина Глазунова аттуу ишкердин «Оптима Банк» картасында рублди туура эмес конвертация жасагандан кийин 80 миңге жакын сому жок болуп кеткен. Бул тууралуу ал Economist.kg басылмасына билдирди.
Банк кардарынын айтымында, 10 күн мурун анын эсебине Россиядагы кардарларынан 150 миң рубль түшкөн эле. Кечээ ал акчаны эсептен алып, кызматкерлерине айлыгын төлөп берейин деген.
«Акча түшкөндө, ал автоматтык түрдө сомго которулат. Банкингде жалпы 180 миң сом бар эле, ал сом түрүндо көрсөтүлүп турган. Акчаны алаарда мен дагы бир жолу текшердим, сумма сом менен сакталып турган. 100 миң сом алгандан кийин, тиркемеде эсеп тууралуу маалымат өчүп калды. Бир нече убакыттан кийин карасам, картада 22 миң гана сом калыптыр. Мен абдан таң калдым. Анан мен картадан дагы 20 миң сом алдым, картанын балансында 1640 сом гана калды», — дейт ал.
Ишкер айымдын сөзү боюнча, банкта кармап калуунун пайызы 7% жеткенин айткан.
«Алар жарым сааттын ичинде ошол 7% кайра картага түшөөрүн айтышты, бул 8 миң сомго жакын акчы. Мен тешкерип кирсем, балансым -12.9 мин сомго түшүп кетиптир. Бир топко созулган териштирүүлөрдөн кийин, алар мага рублди алаардан мурун менин эсебимде 0.65 сом курсу менен конвертация жасалганын айтышты. Бирок ошол маалда банкттын сайтында рублдин курсу 0.9 сом эле», — деди ал.
Натыйжада ишкер айым 80 миң сомго жакын каражатынан айрылды.
«Тиркемеде менин акчам сом түрүндө чагылдырылганын көргөм. Ал жерде рубль менен деп жазылса, мен ал акчаны албайт болчумун», — деп кошумчалады Элина Глазунова.
Операция 28-февралда, саат 15.00 чамасында жасалганын тактаты ал.
Банктын сайтында рублдин курсу күндүзгу 12ден бери 0.9 сом деңгээлинде кармалып турганы корүнүп турат.
Economist.kg редакциясы түшүндүрмө алуу үчүн банкка кайрылып, жообун күтүп жатат.
