Тимур Файзиевдин энергиясын бизге да жумшасакпы дедик – Акылбек Жапаров «Асман» шаары боюнча

Тимур Файзиевдин энергиясын бизге да жумшасакпы дедик – Акылбек Жапаров  «Асман» шаары боюнча

Бүгүн, 15-февралда өткөн маалымат жыйынында Министрлер кабинетинин төрагасы Акылбек Жапаров Ысык-Көлдөгү «Асман» шаарын куруу боюнча мамлекеттик дирекцияны жетектеген «Элит Хаус» курулуш компаниясынын ээси Тимур Файзиевдин ишмердиги тууралуу да жооп берди.

Жапаровдун айтымында, эгерде сот Файзиевди күнөөлү деп тапса, коомчулукка кесепети тийсе, анда ал түрмөдө отуруш керек.

«Кайсы бир күнөөсү үчүн айып пул төлөп чыкса, анда арабызда толук жашаганга укугу бар», – деди ал.

Жапаров Тимур Файзиевди көптөн бери билгенин, «Асман» шаарын куруу буга чейин кыял болгон болсо, азыр жумуш биринчи этапка келип калганын жана Файзиев бул ишке жарай тургандыгына үмүт артканын билдирди.

«Генералдык план куруусу керек, ошонун баарына бул жигит жарайт. Энергиясы дагы, акыл-эси дагы, мүмкүнчүлүгүн дагы бар. Үй куруп сатып, акча таппай, талантын, энергиясын бизге да жумшасакпы деген ой-пикирди айтсак, макул болду. Азыр 1 млн долларга чейин өзүнүн акчасын сарптап, архитекторлорду, инженерлерди, геодезисттерди алып келип, генпландын үстүндө иштеп жатат», – деди.

Ошондой эле Министрлер кабинетинин төрагасы Файзиев курган бир топ мекемелерди барып көргөнүн жана азыркы долбоорду ишке ашырууга бираз убакыт берүү керектигин айтты.

«Бул дагы фейсбукка чыгып, өзүнүн оюн эркин айтып, лекция окуп, акча таап көнүп алган жигиттердин бири экен. Азыр эми өкмөттүн жумушуна келгенден кийин тизгиниңди тартып, жумушуңду жасап, жыйынтыгын көрсөт деп атабыз. Бир топ мекемелерди курган экен, барып көрдүм, аларды ишке ашырганын, командасын көрүп, балким, бизге жардам береби дедим. 2-3 ай убакыт берип көрөлү», – деди Жапаров.

Поделиться в соцсетях:

НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют