«Нарын – Текстиль» тигүү цехи ачылды – 50 адам жумуш менен камсыз болду

«Нарын – Текстиль» тигүү цехи ачылды – 50 адам жумуш менен камсыз болду

Бүгүн, 10-февралда Нарын шаарында «Нарын – Текстиль» тигүү цехинин ачылыш аземи болуп өттү. Бул тууралуу Нарын шаардык мэриясы билдирди.

Нарын шаарында түзүлгөн Naryn Textile ЖЧКнын башкы директору Кайрат Жолдошбековдун айтымында азыркы учурда тигүү цехинде 50 жумушчу иш орду менен камсыз болду.

Келечекте ишкананы чоңойтуп 500 жумуш орун менен камсыз кылуу планы бар. Нарын шаардык мэриясынын колдоосу менен 4-5 айдын ичинде 500 орундуу тигүү цехи курулмакчы.

«Жер маселесин чечүүдө, ижара акысынан бошотуу, документтерди бүтүрүүгө жардам берүүгө даярбыз. Жеңил өнөр жайын өнүктүрүүдө ишкерлерге колдоо көрсөтүшүбүз зарыл», – деди цехтин ачылуу аземине келген Нарындын биринчи вице-мэри Майрамбек Жунусов.

Иш-чарага президенттин Нарын облусундагы ыйгарым укуктуу өкүлүнүн орун басары Адыл Сапаров, Нарын шаарынын биринчи вице-мэри Майрамбек Жунусов, депутаттар жана жергиликтүү тургундар катышты.

Поделиться в соцсетях:

НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют