Бишкектен Сауд Аравияга биринчи чартердик каттам учуп кетти

Бишкектен Сауд Аравияга биринчи чартердик каттам  учуп кетти

«Манас» эл аралык аэропортунда кечээ, 6-февралда «Эйр Манас» ата мекендик авиакомпаниясы тарабынан Бишкектен Джидда шаарына биринчи чартердик каттам аткарылды. Бул тууралуу аэропорттун маалымат кызматы билдирди.

«Эйр Манас» авиакомпаниясы Кыргызстандын Сауд Аравия Королдугундагы биринчи оператору болуп дайындалып, Бишкек – Жидда багыты боюнча жумасына бир жолу (жекшемби) каттамдарды аткармакчы. Ал эми февраль айынын аягынан баштап жумасына төрт каттамга чейин көбөйөт.

Түз авиакаттамды ачуу аземине «Манас» эл аралык аэропорту» ААКнын өкүлдөрү, КРнын Сауд Аравия Королдугундагы Атайын жана Ыйгарым укуктуу Элчиси Улукбек Марипов жана Сауд Аравия Королдугунун КРгы Элчиси Ибрахим бин Ради Аль-Ради жана «Эйр Манас» авиакомпаниясынын башкы директору Талгат Нурбаев катышты.

«Бишкек – Джидда түз авиакаттамынын ачылышы эки өлкөнүн мамилесин чыңдоого, туристтердин санын көбөйтүүгө, ошондой эле зыяратчыларыбыздын акчасын жана убактысын үнөмдөөгө шарт түзөт. Ошондой эле, Сауд Аравиянын башка шаарларынан да каттамдарды ачуу пландалууда», – деп билдирди Улукбек Марипов.

2014-жылдын 2-декабрында Эр-Рияд шаарында кол коюлган КР менен Сауд Аравия Королдугунун өкмөттөрүнүн ортосундагы аба байланышы жөнүндө макулдашуунун негизинде КРнын туристтик потенциалын өнүктүрүү максатында аталган аба каттамы ачылды.

Поделиться в соцсетях:

Последние новости

Кыргызстандыктар үчүн АКШнын туристтик визасы 5 жылдан 10 жылга чейин узартылышы мүмкүн 6 декабрда 2022 г.    17:50
Кеминде спорт комлексти куруунун ордуна ишкер 7.4 млн сомду жеке кызыкчылыгына пайдаланган – Башкы прокуратура 6 декабрда 2022 г.    17:20
Баткенде дээрлик 6 тоннаны түзгөн контрабандалык күрүч кармалды 6 декабрда 2022 г.    16:50
Суу чарба объектилерин оңдоого 956 млн сом сарпталды 6 декабрда 2022 г.    16:20
Улуттук банк оффшордук аймактарга Кюрасаону киргизди 6 декабрда 2022 г.    15:50
2023-жылы Милдеттүү медициналык камсыздандыруу фондунун бюджети 27.2 млрд сомду түзөт 6 декабрда 2022 г.    15:18
«Аэро Номад Эйрлайнс» Бишкек-Гоа-Бишкек багыты боюнча чартердик каттамдарды ачат 6 декабрда 2022 г.    14:00
Кыргызстанда микрокредиттерди накталай эмес формада берүүгө мүмкүнчүлүк берилет 6 декабрда 2022 г.    13:30
Все новости
НБ КР
USD 84.41
EUR 86.57
RUB 1.39
Моссовет
USD 85.09
EUR 88.06
RUB 1.40

Конвертер валют